Transcription
1
Monsieur, j’ay esté supplyé de la part de Domp Pierre Pailhasson,
2
religieulx de nostre abbaye de Cluny estant par-deçà au service
3
de Monseigneur le cardinal de Lorraine et le notre par son commandement,
4
de vous escrire la presente pour vous prier affectueusement qu’il vous
5
plaise en faveur de mondit seigneur le cardinal et de moy octroyer
6
à noble Jehan Pailhasson, demeurant à Clerieu, terres de Monseigneur
7
d’Aumalle en vostre gouvernement, par icelles qu’il ne soyt molesté ny
8
recherché aucunement en sa personne et biens soubz pretexte que, aux
9
derniers troubles, il auroyt suivy le party de ceulx de la religion
10
reformée, contrainct à ce faire pour evitter et se saulver de quelque
11
querelle qu’il avoyt ; non par intention qu’il eust de vivre
12
autrement que catholicquement ; et ne se trouvera que depuys ung
13
an, il ayt vescu que selon les constitutions et observations de
14
l’eglise catholicque, apostolicque et romaine, esquelles il a protesté
15
et est resolu de vivre constamment tout le temps de sa vie, durant
16
lequel il vous demeurera tres humble et bien affectionné serviteur.
17
Vous supplyant de ma part croire que en tout endroict où
18
j’auray puissance, je seray tres ayse de m’employer pour vous
19
d’aussy bonne volonté qu’après mestre humblement
20
recommandé à vostre bonne grace, je prye Dieu vous donner,
21
Monsieur, en santé heureuse et longue vie. De Cluny, ce
22
premier octobre 1572.
23
Vostre meilleur amy à vous obeir
24
Claude de Guise